सलमानलाई फेरि ज्यान मार्ने धम्की, रोकियो ‘सिकन्दर’को सुटिङ

अन्तर्राष्ट्रिय

गृहपृष्ठ
अन्तर्राष्ट्रिय
सलमानलाई फेरि ज्यान मार्ने धम्की, रोकियो ‘सिकन्दर’को सुटिङ

सलमानलाई फेरि ज्यान मार्ने धम्की, रोकियो ‘सिकन्दर’को सुटिङ

मंगलबार, कात्तिक ६, २०८१ ज्योति दैनिक

काठमाडौं, ६ कात्तिक । बाबा सिद्दिकीको हत्यापछि बलिउड अभिनेता सलमान खान लगातार चर्चामा छन् । उनलाई लरेन्स बिश्नोई गिरोहबाट धम्की आइरहेको छ ।

लगातार ज्यान मार्ने धम्की आइरहेको कारण उनको कामसमेत प्रभावित भएको छ । यस्तो अवस्थामा उनको सुरक्षा निकै बढाइएको छ । यसअघि पनि उनलाई यस्तो धम्की आएको थियो । अहिले सलमानको सुरक्षालाई ध्यानमा राख्दै उनको कार्यक्रमहरु रद्द गरिएको बताइएको छ ।

उनको आगामी फिल्म ‘सिकन्दर’को सुटिङ पनि रोकिएको बताइएको छ । यद्यपी ‘सिकन्दर’को सुटिङ रोकिएको आधिकारिक पुष्टि अहिलेसम्म आएको छैन तर उनको नजिककाले यसको पुष्टि गरेका छन् । सलमानले केही समय कुनै पनि सुटिङ नगर्ने भएका छन् ।

सलमान खानको नजिककाले पनि धम्कीका बीच सलमान खानको आगामी फिल्म सिकन्दरको सुटिङ रोकिएको बताए । सिकन्दर २०२५ को इदको अवसरमा रिलिज हुने भएकाले अब यो सम्भव हुन्छ कि हुँदैन भन्ने प्रश्न उठेको छ । किनकी समयमै छायांकन नसकिए फिल्म कसरी रिलिज हुन्छ ।

सलमानका फ्यानहरु उनको आगामी फिल्म सिकन्दरको प्रतिक्षामा छन् तर अब यो प्रतिक्षा अझै बढ्न सक्ने देखिएको भारतीय सञ्चारमाध्यमले जनाएका छन् ।

प्रकाशित मिति: मंगलबार, कात्तिक ६, २०८१ ०७:४०