प्रधानमन्त्रीले चलचित्र ‘पूर्णबहादुरको सारङ्गी’ अनुकूल समयमा हेर्ने

मनोरञ्जन

गृहपृष्ठ
मनोरञ्जन
प्रधानमन्त्रीले चलचित्र ‘पूर्णबहादुरको सारङ्गी’ अनुकूल समयमा हेर्ने

प्रधानमन्त्रीले चलचित्र ‘पूर्णबहादुरको सारङ्गी’ अनुकूल समयमा हेर्ने

मंगलबार, कात्तिक २०, २०८१ ज्योति दैनिक

तिहारबाट प्रदर्शनमा रहेको नेपाली चलचित्र ‘पूर्णबहादुरको सारङ्गी’ अनुकूल समयमा हेर्ने प्रधानमन्त्री केपी शर्मा ओलीले बताएका छन् । ओलीले मङ्गलवार फेसबुकमार्फत फिल्म हेर्ने निम्ता आएको भन्दै अनुकूल समयमा हेर्ने बताएका हुन् ।

‘पूर्णबहादुरको सारङ्गी चलचित्र हेर्न निम्तो आएको छ। तर समय अभावले हेर्न पाएको छैन,’ प्रधानमन्त्री ओलीले अगाडि लेखेका छन्,‘फिल्मको समीक्षा हेर्दै गर्दा यसले हाम्रो सामाजिक परम्परा र व्यावसायिकताको अन्तर्द्वन्द्वलाई राम्रोसँग उठान गरेको बुझेको छु। अनुकूलता मिले फिल्म हेर्ने छु।’ फिल्मका निर्माता र कलाकारहरूलाई समेत ओलीले बधाई दिएका छन् ।

विजय बरालको शीर्ष भूमिका रहेको फिल्ममा प्रकाश सपुतको पनि अभिनय छ । सरोज पौडेल निर्देशित फिल्मलाई विनोद पौडेल र प्याट्रिक सुवेदीले निर्माण गरेका हुन् । यो फिल्म कात्तिक १५ गते प्रदर्शनमा छ

प्रकाशित मिति: मंगलबार, कात्तिक २०, २०८१ १४:०१