गढीमाई मन्दिरको दान पेटिका दोश्रो पटक खोलियो ५ लाख बढी रकम र १० थान गहना संकलन

समाचार

गृहपृष्ठ
समाचार
गढीमाई मन्दिरको दान पेटिका दोश्रो पटक खोलियो ५ लाख बढी रकम र १० थान गहना संकलन

गढीमाई मन्दिरको दान पेटिका दोश्रो पटक खोलियो ५ लाख बढी रकम र १० थान गहना संकलन

आइतबार, मंसिर २, २०८१ ज्योति दैनिक

वीरगन्ज । बाराको महागढीमाई नगरपालिकाको बरियारपुरमामा रहेको गढीमाई मन्दिरमा राखिएको दान पेटिका थप ५ लाख रुपैयाँ भन्दा बढी भेटी संकलन भएको छ ।

दोश्रो पटक शनिबार खोलिएको चार वटा दान पेटीकाबाट नगद ५ लाख २४ हजार १६५ रुपैयाँ भेटी संकलन भएको गढीमाई मेला सञ्चालन तथा व्यवस्थापन समितिका अध्यक्ष उपेन्द्र यादवले जानकारी दिए ।यस्तै दान पेटिकाबाट सुनका गहना ३ थान र चाँदीको गहना ७ थान गहनासमेत संकलन भएको उनले बताए ।

गढीमाई मन्दिर प्रांगणमा राखिएका चार वटा दान पेटीकाबाट कात्तिक १४ देखि कार्तिक ३० गतेसम्म १७ दिनको अवधिमा उक्त भेटी संकलन भएको उनले बताए ।

यसअघि दसैंको घटस्थापना अर्थात असोज १७ देखि कार्तिक १३ गतेसम्म मन्दिर प्रांगणमा रखिएका चार वटा दान पेटिकाबाट ७ लाख ३५ हजार ३४१ रुपैयाँ गनद तथा नगदी रसिदबाट २ लाख ३१ हजार ७२ रुपैयाँ गरी कूल ९ लाख ६६ हजार ४१३ रुपैयाँ भेटी संकलन भएको थियो ।साथै दान पेटीकाबाट पाँच वटा सुनको तिलहरी गरी ७ थान सुनको गहना र २६ थान चाँदीका गहनापनि भेटीका रुपमा संकलन भएको थियो ।

दानपेटिकाबाट संकलन भएको रकम गढीमाई विकास समितिको कोषमा जम्मा गरिने अध्यक्ष यादवको भनाई छ ।

प्रकाशित मिति: आइतबार, मंसिर २, २०८१ १२:४४