पर्सा राष्ट्रिय निकुञ्जबाट आएको बाघले आक्रमण गर्दा १० वटा बाख्राको ज्यान गयो।

समाचार

गृहपृष्ठ
समाचार
पर्सा राष्ट्रिय निकुञ्जबाट आएको बाघले आक्रमण गर्दा १० वटा बाख्राको ज्यान गयो।

पर्सा राष्ट्रिय निकुञ्जबाट आएको बाघले आक्रमण गर्दा १० वटा बाख्राको ज्यान गयो।

सोमबार, मंसिर ३, २०८१ कन्हैया पटेल

बिरगंज । पर्साको पटेर्वासुगौली गाउँपालिकामा बाघको आक्रमणबाट १० वटा बाख्राको ज्यान गएको छ ।
गाउँपालिकाको वडा नम्बर २ थर्घट्टीमा बाघको आक्रमणबाट १० वटा बाख्राको ज्यान गएको हो ।

सोमबार दिँउसो पर्सा राष्ट्रिय निकुञ्जबाट आएको बाघले आक्रमण गर्दा एकैचोटी १० वटा बाख्राको ज्यान लिएको पर्सा प्रहरीले जनाएको छ । इलाका प्रहरी कार्यालयका प्रहरी निरिक्षक मोहनजंग बुढाथापाका अनुसार स्थानीय सत्यनारायण झाँगर र थमक महतो उराँउले साझेदारी वन क्षेत्रस्थित घर नजिकैको जंगलमा बाख्रा चराउन लगेका थिए ।

सोही क्रममा अचानक जंगलबाट निस्किएको बाघले चरिरहेका बाख्राहरुमाथि आक्रमण गरेको उनले बताए ।
बाघले ८ वटा बाख्राको घाँटीमा टोकेर ज्यान लिएको हो । भने थप दुईवटा बाख्रालाइ लिएर जंगल पसेको प्रहरी निरिक्षक बुढाथापाले जानकारी दिए ।

बाघले कोही पनि मानिसलाइ भने आक्रमण गरेको छैन । डिभिजन वन कार्यालय तथा नेपाल प्रहरीको सहयोगमा बाघलाइ भगाइएको पर्सा प्रहरीले जनाएको छ ।
यसैबिच दिँउसै बाघले जनावरलाइ आक्रमण गरेपछि सावधानी अपनाउन वन कार्यालयहरुले सर्वसाधारणमा आग्रह गरिएको छ ।

प्रकाशित मिति: सोमबार, मंसिर ३, २०८१ २२:२९